Dende'l primer poemariu n'asturianu que publicara Pablo Rodríguez Medina, «Nel dialéutu del grisú», paecía reclamar pa sigo'l títulu de poeta del orbayu. La estroza d'una tierra, la historia d'un olvidu (el de la llingua, el de la propia identidá, el del tiempu que paez nun correr, que nun paga la pena que pase...) yeren temes recurrentes, tópicos remocicaos al empar que la imaxe de la ceniza que lo llaraba, metáfores de la nada qu'asomaben perdayures nun tonu sentíu, íntimu, elexiacu... Nesta tercer entrega poética, Pablo Rodríguez Medina sigue albidrando el fin caberu y definitivu del so mundu: ensin l'agua que per tolos llaos s'esmuz, ensin el primixeniu elementu de la vida queda la vida ensucha y la palabra erma, queda'l camín n'abertal pal escaezu.Pablo Rodríguez Medina (L'Entregu, 1978) ye, pesie a la so mocedá, ún de los escritores asturianos más fértiles y premiaos. Poeta y narrador, escribe la so obra nes dos llingües d'Asturies: asturianu y castellán.

Valiéndose d’una orixinal estructura narrativa, a mediu camín ente la novela clásica y el llibru de cuentos, l’autor va esgranando n’«Ente semeyances» la vida d’un pueblu (Llinares) al traviés de los sos personaxes más emblemáticos, que son, tamién, representativos d’una dómina y d’una manera de vivir que yá nun son les de güei.Nesta obra ye la voz de quien narra, con un característicu y personal estilu mestu y envolvente, la que da xuntura a les distintes partes, faciéndo-y perder a la novela l’aire fragmentariu en favor d’una unidá bien estructurada alrodiu de Cayo Calce, el fotógrafu del ayeri que, coles sos semeyes, fai llegar hasta los díes del narrador un tiempu pasáu y perdíu, nel que la vida yera, malapenes, poco más que desamor, lloviu y desamparu.PABLO RODRÍGUEZ MEDINA (L’Entregu, 1978) ye too un fenómenu lliterariu n’Asturies. A los llibros que tien publicaos n’asturianu, toos con Ediciones Trabe (el de cuentos «Los paraísos perdíos», de 2000, y los de poemes «Nel dialeutu del grisú», de 1999, y «Tiempu d’esiliu y povisa ayeno», del 2001), xunta una llarga relación de premios n’asturianu y castellán de dientro y fuera d’Asturies, que lu fain una referencia obligada na lliteratura d’anguañu. Acaba de ganar, ente más premios, el «Xosefa de Xovellanos» de novela y l’«Asturias Joven» de poesía, con sendes obres n’asturianu.

Nesti llibru moren los sones de la poesía: el son máxicu de les pallabres, el son rítmicu de los versos y el son sonoru del poema. «Curriverás» recueye un puñáu de poemes pa que los lleas, los disfrutes y hasta los deprendas de memoria, si quieres.

128 pp. Enc. editorial con solapas. Texto en asturiano. Col. Llibreria Académica. Ed. Academia Llingua Asturiana. Oviedo, diciembre 2002.
Novela bien interesante d´un de los más prolíficos escritores d´Asturies.Pablo Rodríguez Medina, naz en San Andrés de Llinares (L'Entregu) en 1978, a mui temprana edá. Dempués anduvo faciéndose vieyu hasta apocayá, de la qu'estudiaba Filoloxía Hispánica, xugaba pachangues de fútbol y escribía un pocoñín cada día. Al pesar de la so mocedá, yá tien publicaos una riestra títulos, de novela, cuentos, poesía, teatru y de lliteratura xuvenil.